Buxoroda ko‘zi ojiz ayol qo‘shnisini pichoqlab o‘ldirdi
Voqeadan oldin ular birga spirtli ichimlik iste’mol qilishgan.
O‘zbekiston Respublikasi Oliy sudining matbuot xizmati ma’lum qilishicha, Buxoro viloyati Kogon shahrida yashovchi 68 yoshli ko‘zi ojiz ayol qo‘shnisi bilan kelib chiqqan janjal oqibatida uni pichoqlab o‘ldirganlikda aybdor deb topildi.
Sud materiallariga ko‘ra, marhuma ko‘p marotaba spirtli ichimlik iste’mol qilgan va ayblanuvchining uyiga yordam so‘rab murojaat qilib kelgan. Yuz bergan voqea chog‘ida ular birgalikda ichkilik iste’mol qilgan va o‘zaro kelishmovchilik natijasida mojaro kelib chiqqan. Ayblanuvchi jahl ustida qo‘shnisiga oshxona pichog‘i bilan tan jarohati yetkazgan, oqibatda jabrlanuvchi voqea joyida vafot etgan.
Sud jarayonida ayblanuvchi qilgan ishidan chin ko‘ngildan pushaymonligini bildirgan. Jinoyat O‘zbekiston Respublikasi Jinoyat kodeksining 97-moddasi (qasddan odam o‘ldirish) bilan kvalifikatsiya qilindi. Shu bilan birga, Jinoyat kodeksining 57-moddasi (jazoni yengillashtiruvchi holatlar) inobatga olinib, unga 5 yil muddatga ozodlikdan mahrum qilish jazosi tayinlandi.
