Jizzaxda ota ikki nafar farzandini ayovsiz kaltakladi
U farzandlarini urib-do‘pposlab, o‘g‘irlikda ayblagan.
Ijtimoiy tarmoqlarda Jizzax viloyatida erkak ikki nafar farzandini shafqatsiz kaltaklagani aks etgan video tarqaldi. Holatga Bolalar ombudsmani rasmiy munosabat bildirdi.
Aniqlanishicha, Jizzax viloyatida yashovchi fuqaro oilaviy nizo oqibatida 2 nafar farzandiga jismoniy zo‘ravonlik harakatlarini sodir etgan.
Hozirda otaga nisbatan qatʼiy chora ko‘rilishi hamda bolalarni xavfsiz muhitga olinishi, ularga zarur psixologik, ijtimoiy ko‘mak ko‘rsatilishi bo‘yicha ichki ishlar organlari va Ijtimoiy himoya milliy agentligining hududiy Inson markazi mutaxassislari tomonidan tegishli choralar ko‘rilmoqda.
“Holat yuzasidan Bolalar ombudsmani o‘z kuzatuvini davom ettiradi. Bu borada qo‘shimcha tarzda axborot beriladi”, deyiladi xabarda.
