Rossiya armiyasiga 400 mingdan ortiq yangi harbiy xizmatchi safarbar etildi
Rossiya Xavfsizlik kengashi raisi ko‘ngillilar soni ham 34 mingdan oshganini ma'lum qildi.
Rossiya Federatsiyasi Qurolli Kuchlari tarkibiga hozirga qadar 400 mingdan ortiq yangi harbiy xizmatchi yetib kelgani ma’lum qilindi. Shuningdek, 34 mingdan ortiq fuqaro ko‘ngilli bo‘linmalarga qabul qilingan. Bu ma’lumotlar davlat tuzilmalari tomonidan olib borilayotgan harbiy safarbarlik jarayonining keng ko‘lamda davom etayotganini ko‘rsatadi.
Bu haqda Rossiya Xavfsizlik kengashi raisi o‘rinbosari Dmitriy Medvedev bugun bergan bayonotida ma’lum qildi. Uning ta’kidlashicha, armiyaga kelayotganlar soni barqaror o‘sib bormoqda va bu ko‘rsatkichlar harbiy tizimning uzluksiz ravishda yangilanib borayotganidan dalolat beradi.
Medvedev, shuningdek, ko‘ngillilarning ortib borayotgani Rossiya jamiyatida harbiy xizmatga bo‘lgan qiziqish va tayyorlik kuchayganini anglatishini qayd etdi. Uning fikricha, bunday jarayon armiyaning umumiy salohiyatini oshirishga xizmat qiladi.
