O'zbekiston

Namanganda “Eshon” laqabli ko‘cha bezorisi qo‘lga olindi

Ilgari ham sudlangan shaxs “ko‘cha ishlarini hal qilaman” deb tovlamachilik va bezorilik bilan shug‘ullangan.

Namanganda “Eshon” laqabli ko‘cha bezorisi qo‘lga olindi

Namangan shahrida fuqarolarga bosim o‘tkazish, tovlamachilik va bezorilik bilan shug‘ullanib kelgan “Eshon” laqabli shaxs huquqni muhofaza qiluvchi organlar tomonidan qo‘lga olindi. Bu haqda Namangan viloyati Ichki ishlar boshqarmasi axborot xizmati xabar berdi.

 

Ma’lum qilinishicha, qo‘lga olingan shaxs 28 yoshli Bahriddin Nasriddinov bo‘lib, u ilgari Jinoyat kodeksining 277-moddasi birinchi va ikkinchi qismlari, 168-moddasi to‘rtinchi qismi hamda 228-moddasi uchinchi qismi bilan sudlangan.

 

Shunga qaramay, u jinoyat sodir etishga moyil shaxslarni atrofiga to‘plab, ular bilan til biriktirgan holda Namangan shahrida tovlamachilik va bezorilik holatlarini sodir etib kelgan. Gumonlanuvchi fuqarolar o‘rtasidagi pul oldi-berdi masalalarini kuch ishlatish orqali “hal qilib berish”ni va’da qilib, noqonuniy daromad orttirgan.

 

Tergov materiallariga ko‘ra, Bahriddin Nasriddinov jinoiy sheriklari bilan birgalikda tanishini Namangan shahridagi “Barkamol avlod” mahallasi hududiga chaqirgan. Uni “ko‘cha ishlarida ishtirok etmaslik” va chaqirilgan vaqtda kelmaslik kabi bahonalar bilan ayblab, o‘tkir kesuvchi jism yordamida urib, tan jarohati yetkazgan.

 

Viloyat sud-tibbiy ekspertizasi xulosasiga ko‘ra, jabrlanuvchining chap yelka qismida kesilgan va sanchilgan jarohatlar aniqlangan. Aniqlanishicha, gumonlanuvchi o‘zini “Eshon” laqabi bilan tanitib, go‘yoki “ko‘cha masalalarini hal qiluvchi shaxs” sifatida tanilgan va shu yo‘l bilan fuqarolarga bosim o‘tkazib kelgan.

 

Mazkur holat yuzasidan Bahriddin Nasriddinov protsessual tartibda ushlangan. Namangan shahar IIB huzuridagi tergov bo‘limi tomonidan unga nisbatan Jinoyat kodeksining 277-moddasi uchinchi qismi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.