O‘zbekistonda oltin quymalari narxi keskin pasaydi
5 grammli quyma 9 867 000 so‘mga tushdi, 1 gramm oltin esa 1,97 mln so‘mni tashkil etadi.
O‘zbekistonda oltin quymalari narxi keskin pasaydi. 2-fevral holatiga ko‘ra, 5 grammli oltin quyma narxi 9 867 000 so‘mni tashkil etdi. Markaziy bank ma’lumotlariga ko‘ra, bir gramm oltin narxi 1 973 400 so‘mga baholangan.
Oltin quymalarining narxi quyidagicha shakllangan:
- 5 gramm — 9 867 000 so‘m
- 10 gramm — 19 735 000 so‘m
- 20 gramm — 39 469 000 so‘m
- 50 gramm — 98 674 000 so‘m
- 100 gramm — 197 347 000 so‘m
So‘nggi pasayish dam olish kunlarida yuz bergan va 5 grammli quymaning narxi 900 ming so‘mdan ortiq arzonlashdi. Hozirda 1 gramm oltin 1,97 mln so‘mga baholanmoqda, bu esa o‘tgan jumaga nisbatan 8,5 foiz pasayishni anglatadi.
Global bozordagi omillar ham pasayishga ta’sir qilgan. Jahon bozorida oltin narxi 15 foizdan ortiq qadrsizlandi. Buning sababi Donald Trampning AQSH Federal zaxira tizimi rahbari Jerom Pauell o‘rniga inflyatsiyaga qarshi keskin choralari bilan tanilgan Kevin Uorshni tayinlash rejasi bo‘lib, bu global moliya bozorlarida dollar qiymatining oshishi sifatida qabul qilinmoqda.
