Jaholatga qarshi faqat ma’rifat yetarli emas — Alisher Qodirov
“Milliy tiklanish” partiyasi raisi internet bezoriligi uchun jarima va qamoq jazosi joriy etilishini ma'lum qildi.
Ijtimoiy tarmoqlarda haqorat, kamsitish va jamoat osoyishtaligini buzishga qaratilgan harakatlar uchun ma’muriy javobgarlik joriy etilishi rejalashtirilmoqda. Bu haqda “Milliy tiklanish” demokratik partiyasi raisi Alisher Qodirov o‘zining Telegram-kanalida ma’lum qildi.
Uning ta’kidlashicha, Ma’muriy javobgarlik to‘g‘risidagi kodeksning 183-moddasiga kiritilayotgan 1-qo‘shimchaga muvofiq, ijtimoiy tarmoqlarda haqorat qilish, kamsitish hamda jamoat va fuqarolar osoyishtaligiga putur yetkazuvchi xatti-harakatlar uchun 5 million so‘mgacha jarima yoki 10 sutkagacha ma’muriy qamoq jazosi belgilanishi nazarda tutilmoqda.
“Jaholatga qarshi faqat ma’rifat bilan kurashib bo‘lmaydi, jarima ham kerak. Loyihani qo‘llab-quvvatladik”, — deya yozdi siyosatchi.
