Jahon

AQSh Eronga ehtimoliy zarba oldidan aviatashuvchi guruh kelishini kutmoqda — WP

AQSh mintaqadagi harbiy kuchlarini oshirgan, biroq harbiy operatsiya bo‘yicha yakuniy qaror hali rasman tasdiqlanmagan.

AQSh Eronga ehtimoliy zarba oldidan aviatashuvchi guruh kelishini kutmoqda — WP

 

AQSh Eronga nisbatan ehtimoliy harbiy zarba berish masalasida tayyorgarlik choralarini kuchaytirgan va yakuniy qaror qabul qilinishidan avval qo‘shimcha harbiy kuchlarning mintaqaga yetib kelishini kutmoqda. Bu haqda The Washington Post nashri AQShning amaldagi va sobiq rasmiylariga tayanib xabar berdi.

 

Manbalarga ko‘ra, Vashington so‘nggi haftalarda Yaqin Sharqdagi harbiy salohiyatini oshirgan va ayni paytda USS Gerald R. Ford aviatashuvchisi boshchiligidagi zarba beruvchi guruhning kelishini kutmoqda. Mazkur harbiy kemalar Karib dengizidan mintaqaga yo‘naltirilgan bo‘lib, Gibraltar bo‘g‘oziga yaqinlashgani ta’kidlanmoqda. Bu esa zarur qaror qabul qilingan taqdirda, harbiy harakatlar qisqa muddat ichida boshlanishi mumkinligini anglatadi.

 

Avvalroq Axios nashri ham Eron qirg‘oqlari yaqiniga ikkinchi aviatashuvchi yuborilgani haqida xabar bergan edi. Xabarga ko‘ra, USS Abraham Lincoln allaqachon mintaqada joylashgan bo‘lib, qo‘shimcha zarba beruvchi guruhning yetib borishi uchun bir necha hafta talab etilishi mumkin.

 

Nashr ma’lumotlariga ko‘ra, AQSh rasmiylari yopiq yig‘ilishlarda prezident maslahatchilariga Amerika qo‘shinlari mart oyining o‘rtalariga qadar Yaqin Sharqqa to‘liq joylashtirilishi mumkinligini bildirgan. Shu bilan birga, AQSh prezidenti Donald Tramp harbiy operatsiyani rasman ma’qullagan yoki yo‘qligi hozircha noma’lumligicha qolmoqda.

 

Shuningdek, ayrim manbalar ehtimoliy harbiy qaror vaqtiga xalqaro omillar ham ta’sir qilishi mumkinligini qayd etgan. Xususan, Italiyaning Kortina-d’Ampezzo shahrida o‘tkazilgan Qishki Olimpiada yakunlanishi ham muhokama qilingan omillar qatorida tilga olingan.

 

Nashrning yozishicha, agar Pentagon tomonidan zarba berish bo‘yicha yakuniy qaror qabul qilinsa, AQSh qo‘shinlarining bir qismi Yaqin Sharqdagi ayrim bazalardan qayta joylashtirilishi mumkin. CBS News manbalari esa ayrim tayyorgarlik jarayonlari allaqachon boshlanganini bildirgan.

 

Dastlab AQSh harbiy kuchlarini ko‘paytirish orqali Tehronni yadroviy muzokaralarda yon berishga undash maqsad qilingani aytilmoqda. Biroq diplomatik manbalarga ko‘ra, so‘nggi Jeneva muzokaralaridan keyin Eron o‘zining asosiy pozitsiyalaridan, jumladan uranni boyitish huquqi masalasida chekinishga tayyor emasligi haqida signal bergan.

 

O‘z navbatida, Prezident Donald Tramp 19-fevral kuni yaqin o‘n kun ichida Eron bilan bog‘liq vaziyat bo‘yicha muhim voqealar yuz berishi mumkinligini bildirgan va agar kelishuvga erishilmasa, “jiddiy oqibatlar” yuzaga kelishi ehtimolini istisno etmagan.

G‘arbiy Sohilda isroillik ko‘chmanchilari hujumi: 12 ta avtomobil yoqib yuborildi

G‘arbiy Sohilda isroillik ko‘chmanchilari hujumi: 12 ta avtomobil yoqib yuborildi

Bosib olingan G‘arbiy Sohildagi bir nechta Falastin qishlog‘ida sodir bo‘lgan hujumlar Isroilda ham siyosiy bahslarga sabab bo‘ldi.

Meksikada narkokartel rahbarini qo‘lga olish operatsiyasi: 11 kishi halok bo‘ldi

Meksikada narkokartel rahbarini qo‘lga olish operatsiyasi: 11 kishi halok bo‘ldi

AQSH Mesa Floresni qo‘lga olishga yordam beradigan ma’lumot uchun 5 million dollar mukofot va’da qilgan edi.

G‘azoda oziq-ovqat tarqatayotgan avtomobilga Isroil droni zarba berdi: uch kishi halok bo‘ldi

G‘azoda oziq-ovqat tarqatayotgan avtomobilga Isroil droni zarba berdi: uch kishi halok bo‘ldi

Avtomobil bolalarga oziq-ovqat va ichimlik tarqatish uchun to‘xtashga tayyorlanayotgan paytda raketa bilan urilgani aytildi.

Hormuz bo‘g‘ozidagi hujumlar kuchaydi: Eron ikkita raketa uchiruvchi qurilmani namoyish etdi

Hormuz bo‘g‘ozidagi hujumlar kuchaydi: Eron ikkita raketa uchiruvchi qurilmani namoyish etdi

Raketa qurilmasi namoyishi AQShning Eron raketa dasturini yo‘q qilgani haqidagi bayonotlari fonida amalga oshirildi.

O‘yin sanoatida rekord: GTA VI ilk kunidayoq qariyb 4 milliard dollar daromad keltirdi

O‘yin sanoatida rekord: GTA VI ilk kunidayoq qariyb 4 milliard dollar daromad keltirdi

Bu ko‘rsatkich 2013-yilda chiqarilgan GTA V’ning dastlabki uch kunlik 1 milliard dollarlik natijasidan qariyb to‘rt baravar yuqori.

Yevropada antibiotiklarga chidamli bakteriya tarqalishi xavfi oshmoqda: JSST ogohlantirdi

Yevropada antibiotiklarga chidamli bakteriya tarqalishi xavfi oshmoqda: JSST ogohlantirdi

Klebsiella pneumoniae sababli yuzaga kelgan qon infeksiyalari 2019–2025-yillarda 72 foizga oshdi.

Tramp yil oxirigacha Ukraina bo‘yicha tinchlik kelishuviga erishmoqchi — FT

Tramp yil oxirigacha Ukraina bo‘yicha tinchlik kelishuviga erishmoqchi — FT

AQSh demokratlar Kongress ustidan nazoratni qo‘lga kiritishidan avval Rossiya va Ukraina o‘rtasida kelishuvga erishishga shoshilmoqda.

Bir kechada 275 ta Ukraina droni yo‘q qilindi — Rossiya Mudofaa vazirligi

Bir kechada 275 ta Ukraina droni yo‘q qilindi — Rossiya Mudofaa vazirligi

Bir hafta davomida 6 808 ta Ukraina dronini yo‘q qilingan.