Pavel Durov: Telegram blokirovkalarni chetlab o‘tishda davom etadi
Rossiyada Telegram bloklanishi ortidan Federatsiyada O‘zbekiston SIM-kartalarini sotib olish ko‘paymoqda.
Rossiya-Ukraina urushi davrida Federatsiyada Telegram bloklanishiga qaramay 65 million kishi VPN orqali bu messenjerdan foydalanayotgan edi.
Hukumatning VPN xizmatlarini taqiqlashga urinishi bank inqiroziga olib keldi — kecha butun mamlakatda faqat naqd pul bilan to‘lov qilish imkoni qoldi.
Durov vaziyatni Eron bilan solishtirdi: "Hukumat kuzatuv ilovalari tarqalishini kutgandi, lekin VPN ommalashib ketdi". Endilikda "Raqamli qarshilik" safiga Erondagi 50 millionlik jamoadan tashqari, Rossiyadan ham yana 50 milliondan ortiq foydalanuvchi qo‘shildi.
"Raqamli qarshilikka xush kelibsiz, rossiyalik birodarlarim. Butun mamlakat bema’ni cheklovlarni aylanib o‘tish uchun birlashdi. Biz Telegram trafigini aniqlash va bloklashni yanada qiyinlashtirish orqali moslashishda davom etamiz", — deb yozadi Durov o‘zining Telegram kanalida.
Telegramning Rossiyada bloklanishi ortidan mamlakatda O‘zbekiston SIM-kartalarini ommaviy ravishda sotib ola boshladi.
Endi VPN'lardan foyda yo‘qligi sabab Rossiyada O‘zbekiston SIM-kartalari va eSIM-kartalariga talab keskin ortib ketdi. Shu orqali migrantlar ijtimoiy tarmoqlarga doimiy kirish imkoniyatiga ega bo‘lishmoqda.
O‘zbekiston SIM kartalarining asosiy afzalligi — Telegram va boshqa ijtimoiy tarmoqlar VPN'siz ham ishonchli va tez ishlamoqda.
Shohjahon Majid
Zamon.uz muxbiri
