O'zbekistonda 2026-yil boshidan beri 1102 ta YTH qayd etildi, 31 foizi o‘lim bilan tugagan
Eng ko‘p YTH tezlikni oshirish oqibatida sodir bo‘lmoqda.
Ichki ishlar vazirligi ma’lumotlariga ko‘ra, 2026-yilning birinchi choragi davomida respublika hududida 1102 ta yo‘l-transport hodisasi qayd etilgan.
Statistikaga ko‘ra, ushbu hodisalarning 31,4 foizi, ya’ni 346 tasi o‘lim bilan yakunlangan. Bu ko‘rsatkich yo‘l harakati xavfsizligini ta’minlash masalasi dolzarbligicha qolayotganini ko‘rsatadi.
Tahlillarga ko‘ra, yo‘l-transport hodisalarining asosiy sabablari quyidagilardan iborat: — 32,9 foiz holatda belgilangan tezlik me’yorlariga amal qilinmagan;
— 22,4 foiz holatda svetofor talablariga rioya etilmagan;
— 13,6 foiz holatda haydovchilar piyodalarga yo‘l bermagan;
— 4,2 foiz holatda esa haydovchilarning rulda uxlab qolishi qayd etilgan.
