Makron AQSh va Eronni Hormuz bo‘g‘ozini ochishga chaqirdi

 

Emmanuel Makron AQSh va Eron rahbarlarini Hormuz bo‘g‘ozi orqali yuk tashish harakatini tez fursatda tiklashga chaqirdi deb xabar beradi TASS.

 

Fransiya prezidenti X (sobiq Twitter) dagi bayonotida bo‘g‘ozning “hech qanday shartlarsiz, nazorat va majburiyatlarsiz” qayta ochilishi global barqarorlik uchun muhim ekanini ta’kidlagan. Unga ko‘ra, ushbu strategik yo‘lakning yopilishi xalqaro savdo va energetika xavfsizligiga jiddiy tahdid solmoqda.

 

Shuningdek, Makron Donald Tramp va Mas'ud Pezeshkianni Islomobod shahrida to‘xtab qolgan muzokaralarni qayta tiklashga chaqirgan. U tomonlarni “tushunmovchiliklarni bartaraf etish va keskinlashuvning yangi bosqichlariga yo‘l qo‘ymaslik” uchun muloqotni davom ettirishga undagan.

 

Ma’lum qilinishicha, 17-aprel kuni Fransiya va Buyuk Britaniya boshqa hamkor davlatlar bilan birgalikda Hormuz bo‘g‘ozi orqali harakatlanayotgan kemalarni kuzatib borish bo‘yicha ehtimoliy “sof mudofaa missiyasi”ni muhokama qilish uchun videokonferensiya o‘tkazadi. Biroq bunday tashabbus faqat hududdagi xavfsizlik vaziyati imkon bergan taqdirda amalga oshirilishi mumkin.

 

Bundan tashqari, Makron AQSh va Eron o‘rtasida erishilgan kelishuvlarga qat’iy rioya etish zarurligini ta’kidladi hamda mintaqadagi keskinlikni kamaytirish maqsadida ushbu sulhni Livandagi vaziyatga ham tatbiq etish muhimligini qayd etdi.