MDH mamlakati tashqi ishlar vazirlari uchrashdi
MDH mamlakatlari sheriklikni har tomonlama mustahkamlashga qaratilgan 10 ta qarorni qabul qildi.
Joriy yilning oktyabr oyida Turkmanistonda o‘tkazilishi rejalashtirilgan MDH davlat rahbarlari kengashi yig‘ilishiga tayyorgarlik ko‘rish uchun tashkilot tashqi ishlar vaziri yig‘ilishi o‘tkazildi. Bu haqda Baxtiyor Saidov o‘zining Telegram sahifasida ma’lum qildi.
Yig‘ilishda vazirlar shu vaqtga qadar sa’y-harakatlari natijalari muhokama qilinib, uzoq muddatli istiqbol uchun reja va ustuvor yo‘nalishlarni belgilab olishdi.
“Mazmunli muzokaralar davomida hamkasblarimiz bilan ko‘p tomonlama sheriklikni har tomonlama mustahkamlashga qaratilgan 10 ta qarorni kelishib oldik va qabul qildik. Ushbu hujjatlar davlatlarimiz o‘rtasidagi yaqinlikni yanada kuchaytirish, barqarorlikni ta’minlash hamda MDH makonida izchil ijtimoiy-iqtisodiy rivojlanish uchun mustahkam zamin yaratishiga ishonamiz”, — deya yozadi O'zbekiston tashqi ishlar vaziri Baxtiyor Saidov.
