Ukrainada qurolli shaxs supermarketda otishma uyushtirdi
Hodisa oqibatida 5 kishi halok bo‘lgan va 10 kishi jarohatlangan.
Ukraina poytaxti Kiyevda qurollangan shaxs tomonidan sodir etilgan hujum maxsus kuchlar tomonidan bartaraf etildi. Bu haqda Ukraina ichki ishlar vaziri Igor Klimenko Telegram orqali ma’lum qildi.
Rasmiy ma’lumotlarga ko‘ra, gumonlanuvchi avval o‘z yashash xonasiga o‘t qo‘ygan, so‘ngra Golosievskiy tumanida ko‘chaga chiqib, tasodifiy o‘tkinchilarga qarata o‘q uzgan. Keyinchalik u supermarketga kirib, ichkarida ham otishmani davom ettirgan hamda bir necha kishini garovga olgan.
Maxsus politsiya bo‘linmalari tezkor ravishda voqea joyiga yetib borib, binoni qurshab olgan va operatsiya natijasida hujumchini yo‘q qilgan.
Dastlabki ma’lumotlarga ko‘ra, hodisa oqibatida 5 kishi halok bo'lgan va 10 kish jarohatlangan.
Politsiya hozirda voqeaning barcha tafsilotlari va gumonlanuvchining harakat motivlarini aniqlash bo‘yicha tergov harakatlarini davom ettirmoqda.
Avvalroq, Turkiyaning Shanliurfa viloyati Siverek tumanidagi maktabda yuz bergan hodisa oqibatida 16 kishi jarohatlangan edi. Shuningdek, 15-aprel kuni Qahramanmarash shahrida maktabda sodir etilgan qurolli hujumda 9 kishi halok bo'lgani ma'lum qilingan edi.
