Termizda rektorlar marafoni: salomatlik sari o‘n ming qadam
Termizda “Sog‘lom hayot uchun o‘n ming qadam” shiori ostida ommaviy yurish marafoni tashkil etildi.
Termiz davlat universitetining jismoniy tarbiya va sport sohasidagi tajribasini o‘rganish yuzasidan oliy ta’lim tashkilotlari rahbarlari uchun o‘tkazilayotgan o‘quv-amaliy seminar doirasida bugun, 22-aprel kuni erta tongdan “Sog‘lom hayot uchun o‘n ming qadam” shiori ostida ommaviy yurish marafoni tashkil etildi.
Oliy ta’lim, fan va innovatsiyalar vaziri Qo‘ng‘irotboy Sharipov boshchiligida o‘tkazilgan ushbu marafonda respublikadagi oliy ta’lim muassasalari rahbarlari, professor-o‘qituvchilari, tadqiqotchilar, talabalar ishtirok etdi.
Tashabbusning asosiy maqsadi — rahbarlarning shaxsiy namunasi orqali yoshlar orasida sog‘lom turmush tarzini targ‘ib qilish, sportni ommalashtirish va o‘zaro tajriba almashishdan iborat.
Sport haftaligi doirasidagi tadbirlar davom etmoqda.
