Nukusda xalqaro forum bo‘lib o‘tmoqda
Qoraqalpog‘istonning turizm salohiyatini kashf qilish va uni dunyoga tanish uchun Nukusda Destination Karakalpakstan — 2026 forumi boshlandi.
Bugun Nukus shahrida Destination Karakalpakstan — 2026 xalqaro forumi bo‘lib o‘tmoqda. Bu haqda voqea joyida Zamon.uz muxbiri ma’lum qildi.
Mazkur xalqaro forum O‘zbekiston Turizm qo‘mitasi va boshqa hamkor tashkilotlar bilan birgalikda hududning boy tarixiy-madaniy merosi, noyob tabiiy obyektlari va investitsion imkoniyatlarini targ‘ib qilishni maqsad qilgan.
Forumning asosiy maqsadi — Qoraqalpog‘istonni Markaziy Osiyodagi istiqbolli turizm destinatsiyalaridan biri sifatida shakllantirish, yangi tur paketlar yaratish hamda xalqaro hamkorlikni kengaytirishdan iborat.
Qoraqalpog‘istonda tashkil qilingan Destination forumida Yevropa va Osiyoning 15 dan ortiq davlatidan, jumladan Fransiya, Italiya, Norvegiya, Shveysariya, Belgiya, Turkiya, Bosniya va Gersegovina, Rossiya, Ozarbayjon, Qozog‘iston, Pokiston va Xitoy kabi mamlakatlardan yetakchi turoperatorlar ishtirok etmoqda.
