O'zbekiston

Termiz davlat universitetining jismoniy tarbiya va sport sohasidagi tajribasi o‘rganilmoqda

Termiz davlat universitetida oliy ta’lim tashkilotlari rahbarlari uchun o‘quv-amaliy seminar bo‘lib o‘tdi.

Termiz davlat universitetining jismoniy tarbiya va sport sohasidagi tajribasi o‘rganilmoqda

22-aprel kuni Termiz davlat universitetida O‘zbekiston Respublikasi Oliy ta’lim, fan va innovatsiyalar vazirligi hamda Sport vazirligi hamkorligida tashkil etilgan o‘quv-amaliy seminar va sport haftaligiga start berildi. Mazkur tadbir oliy ta’lim tashkilotlari rahbarlari uchun amaliy tajriba almashish, sport sohasidagi islohotlarni yanada chuqurlashtirish hamda ilg‘or modellarni ommalashtirishga qaratilgan.

 

 

Ma'lum qilinishicha, tadbirda Oliy ta’lim, fan va innovatsiyalar vaziri Qo‘ng‘rotboy Sharipov,  Sport vaziri Adham Ikramov hamda Surxondaryo viloyati hokimi Ulug‘bek Qosimov, ishtirok etib, jismoniy tarbiya va sportni oliy ta’lim tizimi bilan uyg‘unlashtirish, talabalar o‘rtasida sog‘lom turmush tarzini qaror toptirish bugungi kunning ustuvor vazifalaridan biri ekanini alohida ta’kidladilar. 

 

 

Mazkur seminar 2026-yil 7-aprel kuni Prezident raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida tashkil etilgani bilan ahamiyatlidir. 

 

 

Tadbir doirasida oliy ta’lim muassasalari rahbarlari ishtirokida “Sog‘lom hayot uchun o‘n ming qadam” shiori ostida ommaviy yurish marafoni tashkil etildi. Bu tashabbus rahbarlarning shaxsiy namunasi orqali yoshlar o‘rtasida sog‘lom turmush tarzini targ‘ib qilishga xizmat qiladi. 

 

 

Seminarning asosiy qismi Termiz davlat universitetining jismoniy tarbiya va sport sohasidagi ilg‘or tajribasini o‘rganishga bag‘ishlandi. Universitet hududida bugungi kunda 18 ta sport inshooti faoliyat yuritmoqda. Jumladan, 6 ta yopiq va 12 ta ochiq sport maydonlari orqali talabalar uchun keng imkoniyatlar yaratilgan. 

 

So‘nggi yillarda mazkur sohani rivojlantirishga katta e’tibor qaratilmoqda. Xususan, 2025-yilda sport infratuzilmasini yangilash va modernizatsiya qilish ishlariga 4,7 milliard so‘m mablag‘ yo‘naltirildi. Shu bilan birga, sport klublari faoliyatini qo‘llab-quvvatlash uchun 3,2 milliard so‘m ajratildi. 

 

 

Natijada universitetda professional futbol, futzal, gandbol va voleybol jamoalari shakllantirilib, milliy va xalqaro musobaqalarda muvaffaqiyatli ishtirok etmoqda. Talabalar 2025-yil davomida jami 309 ta medalni qo‘lga kiritib, universitetning respublika miqyosidagi nufuzini yanada oshirishga hissa qo‘shdi. 

 

Tadbir doirasida talaba-qizlar o‘rtasida futbol bo‘yicha “Vazir kubogi” musobaqasiga ham start berildi. Unda mamlakatimizning turli hududlaridan kelgan 14 ta jamoa ishtirok etmoqda. Mazkur musobaqa xotin-qizlarni sportga keng jalb etish, ularning jismoniy faolligini oshirish va yoshlar o‘rtasida sog‘lom raqobat muhitini shakllantirishga xizmat qiladi. 

 

Seminar ishtirokchilari universitetda tashkil etilgan sport klublari, zamonaviy infratuzilma, shuningdek, sport tibbiyoti va mashg‘ulot jarayonlari bilan bevosita tanishmoqda. Bu esa oliy ta’lim tizimida sportni rivojlantirish bo‘yicha amaliy va samarali mexanizmlarni shakllantirishga zamin yaratadi. 

 

 

Shu bilan birga, universitetda xorijiy mutaxassislar ishtirokida mashg‘ulotlar yo‘lga qo‘yilgan bo‘lib, bu ta’lim va sport sifatini xalqaro standartlar asosida oshirishga xizmat qilmoqda. 

 

Mazkur tadbirlardan ko‘zlangan asosiy maqsad — oliy ta’lim muassasalarida sport infratuzilmasidan samarali foydalanish, talabalarni sog‘lom turmush tarziga jalb qilish hamda “Termiz tajribasi”ni respublika miqyosida keng joriy etishdan iborat. 

 

Seminar va sport haftaligi doirasidagi tadbirlar 24-aprelga qadar davom etadi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.