O‘zbekiston Birinchi xonimi Malayziya Qirolichasi bilan uchrashdi
Uchrashuv doirasida Qirolichasi Raja Zarit Sofiya o'zbek madaniyati haqida batafsil ma'lumot oldi.
O‘zbekiston Birinchi xonimi Ziroat Mirziyoyeva Malayziya Qirolichasi Raja Zarit Sofiya bilan uchrashuv o‘tkazdi.
Tashrif doirasida oliy martabali mehmon o‘zbek amaliy san’ati namunalari, milliy hunarmandchilik mahsulotlari hamda an’anaviy milliy liboslar bilan yaqindan tanishdi. Shuningdek, O‘zbekiston xalqining boy madaniy merosi, urf-odatlari va qadriyatlari haqida batafsil ma’lumotga ega bo‘ldi.
Samimiy va ochiq muloqot ruhida o‘tgan uchrashuvda tomonlar O‘zbekiston va Malayziya o‘rtasidagi do‘stona munosabatlarni yanada mustahkamlash, madaniy-gumanitar hamkorlikni kengaytirish hamda o‘zaro almashinuvlarni rivojlantirish masalalarini muhokama qildilar.
