Endi bankdan 500 dollargacha pasportsiz valyuta olish mumkin
Yangi tartib rasmiy e’lon qilinganidan uch oy o‘tgach kuchga kiridi.
O‘zbekistonda fuqarolar uchun naqd xorijiy valyutani xarid qilish tartibi o'zgartirildi. Bu haqda Adliya vazirligi tomonidan ishlab chiqilgan idoraviy hujjat 8-may kuni rasmiy ro‘yxatdan o‘tkazilgani ma’lum qilindi.
Yangi tartibga ko‘ra, fuqarolar banklardan 500 AQSh dollarigacha bo‘lgan naqd xorijiy valyutani sotib olishda shaxsni tasdiqlovchi hujjatlarni taqdim etishdan ozod etiladi.
Amaldagi qoidalarga ko‘ra, ushbu summa 100 dollarni tashkil etgan bo‘lib, yangi o‘zgarishlar fuqarolar uchun valyuta operatsiyalarini sezilarli darajada yengillashtiradi.
Hujjatga muvofiq, 500 dollargacha bo‘lgan operatsiyalarni amalga oshirishda pasport yoki unga tenglashtirilgan shaxsni tasdiqlovchi hujjatlar talab etilmaydi.
Yangi tartib rasmiy e’lon qilinganidan uch oy o‘tgach kuchga kirishi belgilangan.
