Toshkentda mast erkak yo‘l o‘rtasiga chiqib, harakatga to‘sqinlik qildi
Jamoat tartibini buzgan shaxsga nisbatan bayonnoma rasmiylashtirildi.
Ijtimoiy tarmoqlarda tarqalgan videolavha yuzasidan Toshkent shahrida tegishli huquqiy choralar ko‘rildi.
Toshkent shahar Ichki ishlar bosh boshqarmasi ma’lumotiga ko‘ra, 8-may kuni soat 02:35 larda Olmazor tumani, TXAY ko‘chasida 2001-yilda tug‘ilgan S.O. mast holatda yo‘l qatnov qismiga chiqib, transport vositalarining erkin harakatlanishiga to‘sqinlik qilgan.
Mazkur holat jamoat joyida yurish-turish qoidalarini qasddan buzish sifatida baholanib, unga nisbatan Ma’muriy javobgarlik to‘g‘risidagi kodeksi 183-moddasi (mayda bezorilik) alomatlari bilan ma’muriy bayonnoma rasmiylashtirilgan.
To‘plangan hujjatlar belgilangan tartibda ko‘rib chiqish uchun jinoyat ishlari bo‘yicha tuman sudiga taqdi etildi.
