Saida Mirziyoyeva Venetsiya biennalesidagi o‘zbek rassomi ko‘rgazmasida ishtirok etdi
Ekspozitsiyadan 1970-yillarga oid ilgari namoyish etilmagan noyob asarlar ham o‘rin oldi.
Saida Mirziyoyeva 61-Venetsiya biennalesi doirasida Palazzo Franchetti saroyida tashkil etilgan taniqli rassom Vyacheslav Axunovning “Instruments of the Mind” (“Tafakkur vositalari”) nomli shaxsiy ko‘rgazmasi ochilish marosimida ishtirok etdi.
Qayd etilishicha, Vyacheslav Axunov konseptual san’at yo‘nalishining yetakchi namoyandalaridan biri hisoblanadi. Mazkur ko‘rgazma rassom ijodining qariyb yarim asrlik davrini qamrab olib, uning keng fikrlashi va o‘ziga xos badiiy qarashlarini namoyon etadi.
Ekspozitsiyadan 1970-yillarga oid, shu paytga qadar jamoatchilikka namoyish etilmagan noyob asarlar ham o‘rin olgan.
Ushbu loyiha O‘zbekistonning boy badiiy salohiyati va zamonaviy san’ati xalqaro maydonda yuksak qiziqish uyg‘otayotganining yana bir yorqin ifodasidir.
