Epshteynning akasi “o‘z joniga qasd xati”ni qalbaki deb atadi

Jinsiy ekspluatatsiya va voyaga yetmaganlar bilan bog‘liq jinoyatlar bo‘yicha ayblovlar bilan qamoqda vafot etgan amerikalik moliyachi Jeffri Epshteynning akasi Mark Epshteyn sud jarayonida e’lon qilingan o‘z joniga qasd yozuvi haqiqiyligiga shubha bildirgan. Bu haqda Independent gazetasi ma'lum qildi.

 

Uning ta’kidlashicha, agar Jeffri Epshteyn o‘z joniga qasd qilish niyatida bo‘lganida, u umumiy mazmundagi xayrlashuv bayonoti emas, balki aniq shaxsga qaratilgan xat qoldirgan bo‘lardi. Shu sababli Mark Epshteyn mazkur hujjatni qalbakilashtirilgan bo‘lishi mumkin, deb hisoblamoqda.

 

Ma’lumotlarga ko‘ra, xat 2019-yil iyul oyida sobiq Epshteynning sobiq kameradoshi tomonidan topilgan bo‘lib, Epshteyn ayni vaqtda kamerasida hushsiz holatda aniqlangan. Oradan bir oy o‘tib u qamoqxonada vafot etgan va uning o‘limi rasman o‘z joniga qasd qilish sifatida qayd etilgan.

 

Mark Epshteyn shuningdek, voqea bilan bog‘liq ayrim holatlar, jumladan, kamerada sodir bo‘lgan vaziyatlar yuzasidan ham savollarni ilgari surgan.

Epshteyn ishi AQSh va xalqaro miqyosda keng muhokama qilingan eng shov-shuvli jinoiy ishlaridan biri bo‘lib qolmoqda. So‘nggi yillarda ishga oid millionlab sahifa hujjatlar oshkor etilgan bo‘lsa-da, ular to‘liqligi va tahrirlanganligi yuzasidan tanqidlar bildirilgan.