Germaniya aeroportlari reyslar ommaviy bekor qilinishi mumkin
Yoz mavsumida parvozlarning to‘xtashi 20 million yo‘lovchiga ta’sir ko‘rsatishi mumkin.
Germaniya aeroportlari assotsiatsiyasi mamlakat aviatsiya sektorida aviakerosin taqchilligi va narxlarning keskin oshishi sababli yoz mavsumida ommaviy reyslar bekor qilinishi mumkinligi haqida ogohlantirdi.
Assotsiatsiya rahbari Ralf Beiselning ma’lum qilishicha, eng og‘ir ssenariyda ayrim aeroportlar quvvati 10 foizgacha kamayishi mumkin. Bu holat jami 20 millionga yaqin yo‘lovchiga ta’sir ko‘rsatishi ehtimoli bor.
Mutaxassislarning qayd etishicha, ayniqsa arzon aviakompaniyalar va kam talabga ega sayyohlik yo‘nalishlari eng ko‘p zarar ko‘rishi mumkin. Ayrim reyslar butunlay bekor qilinishi yoki qisqartirilishi, bu esa chiptalar narxining oshishiga olib kelishi kutilmoqda.
Ma’lumotlarga ko‘ra, kerosin narxi so‘nggi ikki oydan ortiq vaqt davomida urushdan oldingi darajadan ikki baravar yuqori bo‘lib qolmoqda. Shu sababli ko‘plab aviakompaniyalar mavjud narxlarda parvozlarni iqtisodiy jihatdan amalga oshira olmasligini bildirmoqda.
Aeroportlar assotsiatsiyasi hukumatdan aviatsiya solig‘ini vaqtincha bekor qilish yoki kamaytirish bo‘yicha chora ko‘rishni so‘ramoqda.
