Mudofaa vazirligida yangi tayinlovlar amalga oshirildi
Bahrom O‘rmonov mudofaa vazirining raqamlashtirish va kiberxavfsizlik bo‘yicha o‘rinbosari etib tayinlandi.
Prezidentning 12-may kungi tegishli qaror va farmoyishiga muvofiq, Mudofaa vazirligi tizimida yangi tayinlovlar amalga oshirildi. Bu haqda vazirlik axborot xizmati ma’lum qildi.
Unga ko‘ra, polkovnik Bahrom O‘rmonov mudofaa vazirining raqamlashtirish, sun’iy intellekt va kiberxavfsizlik bo‘yicha o‘rinbosari lavozimiga tayinlandi.
Qayd etilishicha, Bahrom O‘rmonov ushbu tayinlovga qadar Qurolli Kuchlar Bosh shtabining Aloqa, axborot texnologiyalari va axborotlarni himoyalash bosh boshqarmasi boshlig‘i lavozimida faoliyat yuritgan.
Shuningdek, polkovnik Mirsaid Shukurov Janubi-g‘arbiy maxsus harbiy okrug tarkibidagi Janubiy operativ qo‘mondonlik boshlig‘i lavozimiga tayinlandi.
