Olmaliqda YTH oqibatida 9 yoshli bola vafot etdi
26 yoshli haydovchi piyodalar o‘tish joyidan yo‘lni kesib o‘tayotgan ikki nafar bolani urib yuborgan.
Toshkent viloyatining Olmaliq shahrida ikki nafar voyaga yetmagan bola ishtirokida yo‘l-transport hodisasi sodir bo‘ldi. Bu haqda viloyat Yo‘l harakati xavfsizligi boshqarmasi axborot xizmati ma’lum qildi.
Qayd etilishicha, hodisa 12-may kuni soat 14:00 atrofida Olmaliq shahrining Amir Temur ko‘chasida yuz bergan. 26 yoshli haydovchi S .D. boshqaruvidagi avtomobil piyodalar o‘tish joyidan yo‘lni kesib o‘tayotgan ikki nafar 9 yoshli bolani urib yuborgan.
Hodisa oqibatida jabrlangan bolalardan biri og‘ir tan jarohatlari olib, shifoxonada vafot etgan. Ikkinchi bola esa tan jarohatlari bilan kasalxonaga yotqizilgan.
Mazkur holat yuzasidan Olmaliq shahar Ichki ishlar boshqarmasi tomonidan jinoyat ishi qo‘zg‘atilgan. Haydovchi mazkur ishga jalb qilingan holda tergov harakatlari olib borilmoqda.
