O‘zbekistonda Oziq-ovqat mahsulotlari xavfsizligi qo‘mitasi tashkil etildi — Azizbek Urunov yangi qo‘mita raisi etib tayinlandi
Shuningdek, Veterinariya va chorvachilik tizimida ham yangi o‘zgarishlar amalga oshirildi.
O‘zbekiston Prezidentining tegishli qaroriga muvofiq, Oziq-ovqat mahsulotlari xavfsizligi qo‘mitasi tashkil etildi.
Qarorga ko‘ra, O‘zbekiston Prezidentining Jahon savdo tashkiloti bo‘yicha vakili Azizbek Allaberganovich Urunov ushbu qo‘mitaga o‘rindoshlik asosida rais etib tayinlandi.
Shuningdek, Prezident Administratsiyasida faoliyat yuritib kelgan Furoqat Jalilov hamda Elyor Talaboyev yangi tashkil etilgan qo‘mita raisining o‘rinbosarlari lavozimiga tayinlandi.
Qishloq xo‘jaligi tizimini takomillashtirish doirasida Veterinariya va chorvachilik qo‘mitasi qayta tashkil etilib, Chорvachilik va yaylov xo‘jaligini rivojlantirish agentligi sifatida faoliyat yuritishi belgilandi.
Mazkur agentlikka 2020-yildan buyon Mikrokreditbankni boshqarib kelgan Orif Bo‘tayev rahbar etib tayinlandi. U bir vaqtning o‘zida Qishloq xo‘jaligi vaziri o‘rinbosari lavozimini ham egallaydi.
Qaror doirasida yaylov xo‘jaligini rivojlantirish, mahalliy aholini qo‘llab-quvvatlash hamda chorvachilik uchun jamoat yaylovlarini yaratishga alohida e’tibor qaratilishi belgilangan.
