O‘zbekistonda Workmall xorijga ishga yuborish agentligining litsenziyasi bekor qilindi
Fuqarolardan agentlik faoliyati bilan bog‘liq murojaat yoki shikoyatlarni 2026-yilning 30-mayiga qadar taqdim etish so‘raldi.
Workmall xususiy bandlik agentligining faoliyati tugatildi. Bu haqda Migratsiya agentligi ma’lum qildi.
Qayd etilishicha, agentlikka fuqarolarni xorijga ishga joylashtirish uchun 2024-yil 1-yanvarda berilgan 215300-sonli litsenziya kompaniyaning 2026-yil 10-maydagi arizasiga asosan bekor qilingan.
“Xususiy bandlik agentliklari to‘g‘risida”gi qonunga muvofiq, endilikda ushbu MCHJga fuqarolarni chet davlatlarga ishga joylashtirish bo‘yicha xizmatlar ko‘rsatish taqiqlanadi.
Migratsiya agentligi fuqarolardan “Workmall xususiy bandlik agentligi” faoliyati bilan bog‘liq murojaat yoki shikoyatlar mavjud bo‘lsa, ularni joriy yilning 30-mayiga qadar taqdim etishni so‘radi.
Murojaatlar uchun 71 202 33 55 telefon raqami hamda 171 va 711 qisqa raqamlari orqali bog‘lanish mumkinligi bildirildi.
