“Jo‘yzar” kanalining 22,5 kilometri betonlanadi — Saida Mirziyoyeva
Bu bilan yiliga 12 million kub metr suv isrof bo‘lishining oldi olinadi.
O‘zbekiston Prezidenti administratsiyasi rahbari Saida Mirziyoyeva Buxorodagi “Jo‘yzar” kanalini va viloyat qo‘g‘irchoq teatrini borib ko‘rdi.
Ma’lum qilinishicha, Buxoro viloyati va tumanlari rahbariyati ishtirok etgan yig‘ilishda respublikadagi eng qadimiy kanallardan biri – “Jo‘yzar” kanalining 22,5 kilometrlik qismini betonlash masalasi muhokama qilindi. Bu bilan yiliga 12 million kub metr suv isrof bo‘lishining oldi olinadi.
Shuningdek, madaniyat obyektlari, xususan, Buxoro qo‘g‘irchoq teatri, S. Ayniy nomidagi teatr rekonstruksiyasiga alohida e’tibor qaratildi, sayyohlik infratuzilmasini rivojlantirish rejalari ko‘rib chiqildi.
