Tramp Eron ustidan “toʻliq harbiy gʻalaba”ga erishganini maʼlum qildi
AQSh prezidenti Eronning dengiz floti, havo kuchlari va mudofaa tizimlari yo'q qilinganini ta'kidladi.
Donald Tramp AQShning Eron ustidan “toʻliq harbiy gʻalaba”ga erishganini maʼlum qildi deydi TASS.
Amerika yetakchisining taʼkidlashicha, AQSh harbiy amaliyotlar davomida Eronning asosiy harbiy salohiyatiga jiddiy zarba bergan.
Tramp jurnalistlar bilan muloqot chogʻida Eronning dengiz floti, havo kuchlari, havo mudofaasi va kuzatuv tizimlari deyarli toʻliq yoʻq qilinganini ma’lum qilgan. Shuningdek, u operatsiyalar davomida Eron harbiy rahbariyatiga ham zarba berilganini taʼkidlagan.
AQSh prezidenti ayrim Amerika ommaviy axborot vositalarini ham keskin tanqid qilgan. Xususan, u CNN va The New York Times jurnalistlarini mojaro haqidagi xabarlarni “notoʻgʻri talqin qilish”da ayblagan. Trampning fikricha, Tehronning “harbiy jihatdan muvaffaqiyatli harakat qilayotgani” haqidagi xabarlar AQShning pozitsiyasiga zid.
