Toshkent viloyatida 5 kggdan ortiq giyohvand modda aylanmasi to‘xtatildi
Giyohvand moddalar qo‘shni davlatdan olib kirilgan.
Toshkent viloyatida katta miqdordagi giyohvandlik vositasining noqonuniy aylanmasiga chek qo‘yildi. Bu haqda DXX xabar berdi.
Ma’lum qilinishicha, Davlat xavfsizlik xizmati hamda Bojxona idoralari xodimlari tomonidan o‘tkazilgan tezkor tadbir davomida Samarqand shahrida yashovchi, 2001 va 2002-yillarda tug‘ilgan ikki nafar shaxs giyohvand modda bilan qo‘lga olingan.
Ular avval qo‘shni respublikadan kontrabanda yo‘li bilan olib kirilgan 5 kilogramm 160 gramm “opiy” giyohvandlik moddasini Toshkent viloyatining Bo‘ka tumanidan olib ketayotgan bo‘lgan.
Hozirda mazkur shaxslarga nisbatan jinoyat ishi qo‘zg‘atilib, “qamoq” ehtiyot chorasi qo‘llanilgan. Tergov harakatlari davom etmoqda.
