Bangkokda yuk poyezdi va yo‘lovchi avtobusi to‘qnashuvida o‘zbekistonliklar jabrlanmagan — TIV
Hodisa oqibatida 8 kishi halok bo‘lib, 33 kishi tibbiy yordamga murojaat qilgan.
Bangkokda yuk poyezdi va yo‘lovchi avtobusi bilan sodir bo‘lgan hodisada jabrlanganlar orasida o‘zbekistonliklar yo‘q. Bu haqda O‘zbekiston TIV matbuot kotibi xabar berdi.
Transportlarning to‘qnashib ketishi oqibatida 8 kishi halok bo‘lib, 33 nafar jabrlangan tibbiy yordamga murojaat qilgan.
Ma’lum qilinishicha, yo‘l-transport hodisasi 16-may kuni sodir bo‘lgan. 17-may holatiga ko‘ra, jabrlanganlarning 15 nafari shifoxonadan chiqarilgan, yana 18 kishi shifokorlar nazoratida qolmoqda.
Hozircha halok bo‘lganlardan ikki nafari Tailand fuqarosi ekani aniqlangan.
Police General Hospital sud-tibbiy ekspertiza bo‘limi ma’lumotiga ko‘ra, hodisa oqibatida jabrlanganlar orasida O‘zbekiston fuqarolari yo‘q.
“Mazkur holat O‘zbekistonning Tailanddagi konsullik muassasasi tomonidan doimiy nazoratga olingan. Zarurat tug‘ilganda, fuqarolarimiz quyidagi telefon raqamlari orqali murojaat qilishlari mumkin”, deyiladi xabarda.
O‘zbekistonning Bangkokdagi Bosh konsulligi:
+66-2 675-3995; +66-2 675-3996
