Namanganda “Media haftalik” boshlandi
"Media haftalik" 22-mayga qadar davom etadi.
Namangan shahridagi “Ma’rifat maskani”da respublikaning turli hududlaridan tashrif buyurgan media sohasi vakillari va ekspertlar ishtirokida “Media haftalik”ga start berildi.
Tadbirning rasmiy ochilish marosimidan so‘ng ishtirokchilar yo‘nalishlar bo‘yicha uch guruhga bo‘lingan holda o‘quv mashg‘ulotlarini boshladi. Mashg‘ulotlar tajribali mutaxassislar va media ekspertlari tomonidan olib borilmoqda.
Dasturdan sun’iy intellekt va media, faktcheking, mediaxavfsizlik, kontent strategiyasi, mobilografiya va vizual storytellling, auditoriya bilan ishlash, SMM hamda zamonaviy media trendlariga oid mavzular o‘rin olgan.
Shuningdek, tadbir doirasida real keyslar tahlili va tajribalar almashuviga ham alohida e’tibor qaratilmoqda. Ochiq muloqot shaklidagi suhbatlar davomida ishtirokchilar o‘zaro fikr almashmoqda.
Ushbu “Media haftalik” O‘zbekiston Respublikasi Prezidenti Administratsiyasi huzuridagi Ommaviy axborot vositalari uchun kontent tayyorlash markazi, Namangan viloyati hokimligi hamda Yoshlar ishlari agentligi hamkorligida tashkil etilgan bo‘lib, 22-mayga qadar davom etadi.
