Jahon

Rossiyaga vizasiz kirayotgan migrantlar uchun 1 iyuldan “RuID” majburiy bo‘ladi

Yangi tartib O‘zbekiston, Qozog‘iston, Qirg‘iziston, Tojikiston, Armaniston, Ozarbayjon va Gruziya fuqarolariga ham tatbiq etiladi.

Rossiyaga vizasiz kirayotgan migrantlar uchun 1 iyuldan “RuID” majburiy bo‘ladi

2026 yil 1 iyuldan boshlab Rossiyaga vizasiz tartibda kirayotgan xorijiy fuqarolar uchun “Gosuslugi RuID” ilovasidan foydalanish majburiy bo‘ladi. Endilikda chet el fuqarolari mamlakatga kirishdan kamida 72 soat oldin elektron ariza topshirishi va tizimda ro‘yxatdan o‘tishi kerak bo‘ladi. Bu haqda “Raxmat.ru” xabar berdi.

 

Yangi tartib O‘zbekiston, Qozog‘iston, Qirg‘iziston, Tojikiston, Armaniston, Ozarbayjon va Gruziya fuqarolariga ham tatbiq etiladi. Avval ushbu tizim sinov rejimida ishlagan va undan foydalanish ixtiyoriy edi.

 

Shu bilan birga, Belarus fuqarolari, 6 yoshgacha bo‘lgan bolalar, vizali davlatlar fuqarolari hamda Rossiyada yashash guvohnomasi (VNJ) yoki vaqtinchalik yashash ruxsatnomasi (RVP)ga ega xorijliklar uchun mazkur talab amal qilmaydi.

 

Yangi qoidalarga ko‘ra, xorijliklar Rossiyaga kirishdan 90 kundan oldin emas va kamida 72 soat avval RuID orqali ariza yuborishi lozim. Favqulodda holatlarda esa chegarani kesib o‘tishdan kamida 4 soat oldin murojaat qilish mumkin bo‘ladi, biroq buning sababi tasdiqlanishi kerak.

 

Chegara nazoratidan o‘tilgach va “Gosuslugi”dagi akkaunt tasdiqlangandan keyin foydalanuvchiga maxsus QR-kod beriladi. Uni pasport bilan birga ko‘rsatish talab qilinishi mumkin. Ilova rus, ingliz, arman, qozoq, qirg‘iz, tojik va o‘zbek tillarida ishlaydi.

 

Mutaxassislarning ta’kidlashicha, hozircha RuID’dan foydalanmaslik uchun alohida javobgarlik belgilanmagan. Biroq kelgusida bunday normalar joriy etilishi mumkin. Yurist Sergey Andreyso fikricha, QR-kodning yo‘qligi migrantlarning Rossiyada migratsion hisobga qo‘yilishida muammolar tug‘dirishi ehtimoldan xoli emas.

 

Shuningdek, keyinchalik Rossiya Ma’muriy javobgarlik to‘g‘risidagi kodeksining 18.8-moddasi — xorijiy fuqarolarning mamlakatda bo‘lish tartibini buzish bo‘yicha javobgarlik qo‘llanishi mumkin. Mazkur modda 2 mingdan 5 ming rublgacha jarima va ma’muriy deportatsiyani nazarda tutadi.

 

Huquqshunoslar qayd etishicha, RuID tizimi Rossiya hukumatiga xorijliklarning biometrik ma’lumotlarini yig‘ish, migratsiya oqimlarini nazorat qilish va noqonuniy migratsiya xavfini kamaytirish imkonini beradi. Yangi tizim, shuningdek, qog‘oz migratsiya kartalarini bosqichma-bosqich raqamli shaklga o‘tkazishga xizmat qiladi.

 

Migratsiya bo‘yicha yurist Roman Stepanov esa RuID’dan foydalanish Rossiyaga kirish kafolati emasligini alohida ta’kidladi. Uning so‘zlariga ko‘ra, chegara xizmati xodimlari istalgan xorijlikka sababini tushuntirmasdan kirishni rad etish ҳуқуқига ega va ilova bu qarorga ta’sir qilmaydi.

 

Bundan tashqari, RuID ilovasi orqali xorijliklar SNILS, INN, patent va tibbiy sug‘urta rasmiylashtirish, soliqlarni to‘lash, IIVga navbat olish, mehnat shartnomalarini tuzish hamda hujjatlar muddatini kuzatib borish imkoniga ega bo‘ladi.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.