AQSh Eron bilan muzokaralarni qayta boshlash uchun beshta shart ilgari surdi
Ushbu takliflar bajarilgan taqdirda ham, mintaqadagi keskinlik to‘liq bartaraf etilishi kafolatlanmagan.
Fars axborot agentligi xabariga ko‘ra, Vashingtonning rasmiy javobida muzokaralar faqat bir qator shartlar bajarilgandagina tiklanishi mumkinligi qayd etilgan.
Ushbu shartlar orasida AQSh tomonidan har qanday kompensatsiya yoki yetkazilgan zararni qoplashdan voz kechish, shuningdek, Eron AQShga 400 kilogramm boyitilgan uranni topshirish talabi mavjud.
Bundan tashqari, Eron yadroviy infratuzilmasining faqat bitta obyektini faol holatda saqlash, muzlatilgan aktivlarning to‘liq yoki qisman (kamida 25 foiz) qaytarilmasligi hamda harbiy harakatlarni to‘xtatish muzokaralar jarayoniga bog‘lanishi kabi bandlar keltirilgan.
Ma’lumotlarga ko‘ra, ushbu takliflar bajarilgan taqdirda ham, mintaqadagi keskinlik to‘liq bartaraf etilishi kafolatlanmagan.
Shu bilan birga, Eron tomoni muzokaralarni qayta boshlashni o‘z navbatida besh asosiy shart bilan bog‘lagan: barcha frontlarda harbiy harakatlarni to‘xtatish, sanksiyalarni bekor qilish, muzlatilgan aktivlarni qaytarish, urush zararlarini qoplash hamda Hormuz bo‘g‘ozi ustidan suverenitetni tan olish.
