Toshkentda o‘qituvchi 9-sinf o‘quvchisini kaltakladi
Mazkur holatga aloqador bo‘lgan barcha shaxslarga nisbatan qonun doirasida tegishli choralar ko‘rilishi bildirildi.
Ijtimoiy tarmoqlarda o‘qituvchi va 9-sinf o‘quvchilari o‘rtasida o‘rtasida yuzaga kelgan nizo aks etgan video tarqaldi. Mazkur voqea bo‘yicha Toshkent shahar maktabgacha va maktab ta’limi boshqarmasi rasmiy izoh berdi.
Ma’lum qilinishicha, hodisa Toshkent shahrining Mirzo Ulug‘bek tumanidagi 275-sonli umumta’lim maktabida sodir bo‘lgan.
Holat yuzasidan Toshkent shahar maktabgacha va maktab ta’limi boshqarmasi hamda huquq-tartibot organlari vakillaridan iborat ishchi guruh tomonidan o‘rganish ishlari olib borilmoqda.
Mas’ullar holat bo‘yicha qo‘shimcha axborot keyinroq taqdim etilishini qayd etdi.
Shuningdek, maktab ichki qoidalariga rioya etmagan va mazkur holatga aloqador bo‘lgan barcha shaxslarga nisbatan qonun doirasida tegishli choralar ko‘rilishi bildirildi.
