O‘zbekiston U-17 terma jamoasining Jahon chempionatidagi raqiblari ma’lum bo‘ldi
Musobaqa joriy yilning noyabr-dekabr oylarida Qatarda bo‘lib o‘tadi.
2026-yil 21-may kuni Shveysariyaning Syurix shahrida 19-noyabrdan 13-dekabrga qadar Qatardagi “Espayr” akademiyasi maydonlarida o‘tkaziladigan U-17 Jahon chempionatiga qur’a tashlash marosimi bo‘lib o‘tdi.
Sergey Chigodayev boshchiligidagi O‘zbekiston o‘smirlar terma jamoasi kichik mundialning “E” guruhidan joy oldi.
Musobaqaning barcha guruhlari quyidagicha shakllandi:
- “A” guruhi: Qatar, Misr, Panama, Gretsiya
- “B” guruhi: Janubiy Koreya, Ekvador, Yangi Kaledoniya, Afrika pley-off g‘olibi
- “C” guruhi: Argentina, Avstraliya, Daniya, Afrika pley-off g‘olibi
- “D” guruhi: Fransiya, Saudiya Arabistoni, Gaiti, Urugvay
- “E” guruhi: Italiya, O‘zbekiston, Kot-d’Ivuar, Yamayka
- “F” guruhi: Senegal, Xorvatiya, Tojikiston, Kuba
- “G” guruhi: Mali, Belgiya, Yangi Zelandiya, Vetnam
- “H” guruhi: Ispaniya, Fiji, Marokash, Xitoy
- “I” guruhi: Braziliya, Irlandiya, Kosta-Rika, Tanzaniya
- “J” guruhi: AQSH, Chili, Montenegro, Jazoyir
- “K” guruhi: Meksika, Kamerun, Venesuela, Ruminiya
- “L” guruhi: Yaponiya, Kolumbiya, Gonduras, Serbiya.
Ma’lumot uchun, Islombek Ismoilov boshchiligidagi O‘zbekiston U-17 terma jamoasi 2025-yilgi Jahon chempionatida chorak finalga qadar yetib borgan va Italiyaga 1:2 hisobida imkoniyatni boy bergan edi.
