Namangan Ginnes rekordlar kitobiga kiritildi
Bu yutuq viloyatning obodonlashtirish, ekologiya va turizm sohalaridagi salohiyatini yana bir bor namoyon etdi.
Namangan viloyati yana bir tarixiy natijaga erishdi. Zahiriddin Muhammad Bobur nomidagi madaniyat va dam olish bog‘ida bir oy davomida jamoa tomonidan qariyb 30 million dona gul ekildi.
Mazkur ulkan loyiha natijasida Namangan shahri “Bir oy ichida jamoa tomonidan ekilgan eng ko‘p gul” nominatsiyasi bo‘yicha Ginnes rekordlar kitobiga rasman kiritildi.
Bu yutuq viloyatning obodonlashtirish, ekologiya va turizm sohalaridagi salohiyatini yana bir bor namoyon etdi.
Shuningdek, rekord o‘rnatilishida ishtirok etgan barcha mutaxassislar, bog‘bonlar va ko‘ngillilarning mehnati alohida e’tirof etildi.
Namangan — gullar shahri sifatidagi mavqeini yana bir bor dunyoga namoyish etdi.
