Jahon

Eron bilan Obama davridagidek yomon bitim bo‘lmaydi — Tramp

AQSh prezidenti Eron bilan ehtimoliy kelishuv hali to‘liq kelishib olinmaganini ma’lum qildi.

Eron bilan Obama davridagidek yomon bitim bo‘lmaydi — Tramp

 

Donald Tramp Eron bilan ehtimoliy kelishuv hali to‘liq kelishib olinmaganini ma’lum qildi. U bu haqda o‘zining Truth Social ijtimoiy tarmog‘idagi sahifasida bayonot bergan.



AQSh rahbari muzokaralar yuzasidan turli taxmin va tanqidlar bildirilayotganiga munosabat bildirib, jamoatchilikni “bu masalada hech qanday ma’lumotga ega bo‘lmagan tanqidchilarga” quloq solmaslikka chaqirgan.



“Eron bilan kelishuv tuzilsa, bu yaxshi va to‘g‘ri kelishuv bo‘ladi. Bu Obama davridagi bitim kabi emas. O‘sha kelishuv Eronga katta mablag‘ va yadroviy qurol sari ochiq yo‘l bergan edi. Bizning kelishuvimiz buning aksi bo‘ladi. Ammo hozircha uni hech kim ko‘rmagan va u hali to‘liq kelishib olinmagan”, — deb yozgan Tramp.



Prezident, shuningdek, avvalgi AQSh ma’muriyatlaridan farqli ravishda “yomon bitimlar tuzmasligini” ta’kidlagan.

 

Avvalroq The New York Times nashri AQSh va Eron muzokaralar davomida Hormuz bo‘g‘ozini ochish bo‘yicha prinsipial kelishuvga yaqinlashgani haqida xabar bergan edi.



AQSh tomoni bo‘g‘oz orqali xalqaro yuk tashuvlarini tezkor ravishda qayta tiklashni talab qilayotgan bo‘lsa, Eron sanksiyalarni bekor qilish, muzlatilgan aktivlarni qaytarish va xavfsizlik kafolatlarini olishni talab qilmoqda.



Muzokaralardagi asosiy murakkab masalalardan biri Eronning yadroviy dasturi bo‘lib qolmoqda. Vashington Tehronning yadroviy faoliyatiga nisbatan qat’iy cheklovlar joriy etilishini talab qilmoqda.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.