O‘zbekiston milliy terma jamoasi JCh-2026 oldidan Nyu-Yorkka yetib bordi
Milliy terma jamoa mundial oldidan 1-iyun kuni Kanada terma jamoasiga qarshi o‘rtoqlik uchrashuvi o‘tkazadi.
O‘zbekiston milliy terma jamoasi Fabio Kannavaro boshchiligida Jahon chempionatida ishtirok etish maqsadida AQSHning Nyu-York shahriga yetib bordi. Bu haqda O‘FA Matbuot xizmati ma’lum qildi.
Mundial oldidan milliy terma jamoa 1-iyun kuni Kanada terma jamoasiga qarshi o‘rtoqlik uchrashuvi o‘tkazadi. 8-iyun kuni esa Niderlandiya terma jamoasiga qarshi nazorat o‘yini rejalashtirilgan.
Shundan so‘ng jamoa Atlanta shahrida joylashgan o‘z bazasiga ko‘chib o‘tadi va Jahon chempionatidagi guruh bosqichi o‘yinlariga tayyorgarlikni davom ettiradi.
