Rubio Ukrainadagi mojaro yanada kuchayishi mumkinligidan ogohlantirdi
AQSh Davlat kotibi Ukrainadagi urushni Ikkinchi jahon urushidan buyon davom etayotgan eng dahshatli mojarolardan biri deb atadi.
AQSh Davlat kotibi Marko Rubio Ukrainadagi mojaroning yanada kuchayishi xavfi mavjudligi haqida ogohlantirdi. U bu haqda Hindistonda o‘tkazilgan matbuot anjumanida ma’lum qilgan.
Rubioning ta’kidlashicha, jangovar harakatlarning uzoq davom etishi mojaroning kengayish ehtimolini oshirmoqda.
“Har safar u yoki bu tomondan shunday yirik zarbalarni ko‘rganingizda, bu sizga nima uchun bu Ikkinchi jahon urushidan beri davom etayotgan eng dahshatli mojarolardan biri ekanini va nima uchun uni tugatish kerakligini eslatadi”, — degan AQSh Davlat kotibi.
Shuningdek, u Qo‘shma Shtatlar Ukrainadagi mojaroni tugatish bo‘yicha barcha imkoniyatlarni ishga solishga tayyorligini ta’kidlagan.
“Qo‘shma Shtatlar ushbu mojaroni yakunlash uchun yordam berishga tayyor va umid qilamanki, bunday imkoniyat qachondir yuzaga keladi”, — deya ta'kidlagan Rubio.
Davlat kotibi ayni paytda Vashington va Kiyev o‘rtasida faol yoki rejalashtirilgan muzokaralar mavjud emasligini ham qayd etgan.
Eslatib o‘tamiz, avvalroq Rossiya Tashqi ishlar vazirligi xorijiy fuqarolar, diplomatik missiyalar hamda xalqaro tashkilotlar vakolatxonalari xodimlariga imkon qadar tezroq Kiyevni tark etishni tavsiya qilgan edi.
