Andijonda 19 yoshli yigit o‘zini ko‘prikdan tashlamoqchi bo‘ldi
Oilaviy kelishmovchilik sabab o‘z joniga qasd qilishga uringan yigit qutqarib qolindi.
Andijon viloyatida 19 yoshli yigitning ko‘prikdan o‘zini tashlashga urinish holati oldi olindi. Bu haqda viloyat Ichki ishlar boshqarmasi ma’lum qildi.
Qayd etilishicha, voqea 2-iyun kuni tungi vaqtda Andijon shahrining “Ishchilar” mahallasi hududida, Navoiy shoh ko‘chasi ustida joylashgan ko‘prikda sodir bo‘lgan. 2007-yilda tug‘ilgan M.M. oilaviy kelishmovchiliklar sababli ruhiy holati o‘zgarib, o‘zini ko‘prikdan tashlash bilan tahdid qilgan.
Voqea joyiga zudlik bilan ichki ishlar organlari hamda hamkor tashkilotlar xodimlari yetib borib, yigitni xavfsiz hududga olib chiqishgan va ko‘ngilsiz holatning oldi olingan.
Hozirda mazkur holat yuzasidan tegishli tekshiruv ishlari olib borilmoqda.
