Eron bilan kelishuv kelasi hafta imzolanishi mumkin — Tramp
AQSH prezidenti muzokaralar hali yakunlanmaganini, biroq kelishuv ehtimoli yuqori ekanligini ta'kidladi.
AQSh prezidenti Donald Tramp ABC News telekanaliga bergan intervyusida Eron bilan muzokaralar jarayoni yakuniy bosqichga yaqinlashayotganini va yaqin kunlarda muhim kelishuvga erishilishi mumkinligini ma’lum qildi.
Trampning ta’kidlashicha, hozirda asosiy masalalar — sulhni saqlab qolish, mintaqaviy keskinlikni kamaytirish hamda Hormuz bo‘g‘ozida dengiz yuk tashuvini qayta tiklash bo‘yicha kelishuv ishlab chiqilmoqda.
“Menimcha, biz bu masalada keyingi hafta ichida natijaga erishishimiz mumkin”, — degan AQSh prezidenti.
Davlat rahbari, shuningdek, Eron bilan tuzilishi mumkin bo‘lgan tinchlik kelishuvi faqat siyosiy emas, balki strategik ahamiyatga ega bo‘lib, u harbiy to‘qnashuvlardan ko‘ra samaraliroq natija berishi mumkinligini qayd etgan.
Biroq Tramp muzokaralar hali to‘liq yakunlanmaganini va ayrim masalalar bo‘yicha kelishuvga erishish jarayoni davom etayotganini ham qo‘shimcha qilgan.
