Hizbulloh Isroil va Livan o‘rtasidagi sulh shartlarini rad etdi
Guruh Isroil qo‘shinlarining Livandan chiqishini talab qilmoqda.
Livan hududidagi Hizbulloh harakati Isroil va Livan hukumati o‘rtasida erishilgan sulh kelishuvining shartlariga qo‘shilmasligini ma’lum qildi. Bu haqda guruh rahbari Naim Qosim bayonot bergan.
Uning ta’kidlashicha, “bosqinchilik davom etar ekan, qarshilikni to‘xtatish bo‘yicha hech qanday majburiyat olinmaydi”. Bu bayonot Associated Press agentligi tomonidan ham keltirilgan.
Shuningdek, Hizbulloh rahbari Isroil harbiy kuchlarining Livan hududidan to‘liq chiqarilishini asosiy talab sifatida ilgari surgan.
Avvalroq, AQSh Isroil va Livan o‘rtasidagi keskinlikni kamaytirish maqsadida yangi sulh tashabbusini ilgari surgani xabar qilingan edi.
