Zelenskiyning maktubi Putinga keyinroq yetkaziladi — Peskov
Kreml Ukraina prezidenti tomonidan Rossiya prezidentiga yo‘llangan ochiq maktub mazmunidan xabardor ekanini tasdiqladi.
Kreml Ukraina prezidenti Vladimir Zelenskiy tomonidan Rossiya prezidenti Vladimir Putinga yo‘llangan ochiq maktub mazmunidan xabardor ekanini ma’lum qildi. Bu haqda Rossiya prezidentining matbuot kotibi Dmitriy Peskov bayonot berdi.
Peskovning aytishicha, Zelenskiy maktubi Kremlga yetib kelgan va u Rossiya yetakchisiga keyinchalik taqdim etiladi. Uning qayd etishicha, maktub prezident ishtirokidagi rasmiy tadbir davomida e’lon qilingan.
Zelenskiy o‘z murojaatida Rossiya prezidenti bilan uchinchi davlat hududida to‘g‘ridan-to‘g‘ri muzokara o‘tkazishni taklif qilgan hamda jarayonga AQSh va Yevropa davlatlarini jalb etish zarurligini ta’kidlagan edi.
Shu bilan birga, Vladimir Putin Sankt-Peterburg xalqaro iqtisodiy forumi doirasida xalqaro axborot agentliklari rahbarlari bilan uchrashuv o‘tkazib, Ukraina bo‘yicha muzokaralar masalasiga ham to‘xtalib o‘tgan.
Putinning ta’kidlashicha, agar Kiyev ilgari muhokama qilingan murosalarga rozi bo‘lsa, mojaro tez orada tinch yo‘l bilan yakun topishi mumkin. U Rossiya tomonining ham ayrim masalalarda murosaga tayyorligini bildirgan.
Shuningdek, Peskov agar Zelenskiy Putin bilan uchrashishni istasa, u Moskvaga kelishi mumkinligini ta'kidlagan.
