Jaloliddin Masharipov Jahon chempionatida ishtirok etmaydi
Masharipov milliy terma jamoadagi faoliyatini yakunlashi ham mumkin.
O‘zbekiston milliy terma jamoasining yetakchi futbolchilaridan biri Jaloliddin Masharipov Jahon chempionatida ishtirok etmasligi mumkin.
O‘zA xabariga ko‘ra, futbolchi jarohatidan to‘liq tiklanmagani sababli terma jamoaning yakuniy qaydnomasidan chiqarilishi kutilmoqda. Uning o‘rniga 26 nafar futbolchidan iborat tarkibga Ruslanbek Jiyanov kiritilishi mumkin.
Ma’lum qilinishicha, Masharipov jarohatiga qaramay maydonga tushish istagini bildirgan.
Yakuniy qaror O‘zbekiston terma jamoasi bosh murabbiyi Fabio Kannavaro tomonidan qabul qilingan. Ayni paytda Ruslanbek Jiyanovning tarkibga jalb etilishi bo‘yicha masala hali rasman yakuniy tasdiqlanmagan.
Shuningdek, ayrim manbalarda Masharipovning milliy terma jamoadagi faoliyatini yakunlashi ehtimoli ham tilga olinmoqda. Hozircha bu borada rasmiy ma’lumot berilmagan.
