O'zbekiston

Bankomatdagi nosozliklar uchun banklar jarimaga tortiladi

Fuqarolar murojaatlari bilan ishlash samaradorligi bo‘yicha eng yomon natija qayd etgan banklar ham e’lon qilib boriladi.

Bankomatdagi nosozliklar uchun banklar jarimaga tortiladi

Markaziy bank avgust oyidan boshlab bankomatlar orqali naqd pul yechib olishda yuzaga keladigan ayrim nosozliklar va mijozlarga xizmat ko‘rsatishdagi qoidabuzarliklar uchun banklarga moliyaviy jarimalar qo‘llashni boshlaydi. Bu haqda Markaziy bank raisi Timur Ishmetov Senatning 13-iyun kungi yalpi majlisida ma’lum qildi.

 

Majlisda qayd etilishicha, 2025-yilda bankomatlar orqali naqd pul yechib olish bilan bog‘liq 290 mingta muammoli holat aniqlangan. Shu masala yuzasidan 3 mingdan ortiq fuqaro ichki ishlar organlariga murojaat qilgan.

 

Timur Ishmetovning aytishicha, o‘tgan yili bankomatlar orqali 341 million operatsiya amalga oshirilgan bo‘lib, muammoli tranzaksiyalar ulushi 0,08 foizni tashkil etgan. 

 

Unga ko‘ra, bunday holatlarning aksariyati banklar faoliyati bilan bog‘liq emas. Jumladan, ayrim hollarda bankomatda kerakli nominaldagi kupyuralarning yo‘qligi, karta bloklanishi, PIN-kodning noto‘g‘ri kiritilishi, aloqa yoki elektr ta’minotidagi uzilishlar muammolarga sabab bo‘lgan.

 

Markaziy bank raisi bevosita banklar va to‘lov tizimlari operatorlari faoliyati bilan bog‘liq holatlar qariyb 46 mingta yoki jami murojaatlarning 15 foizini tashkil etishini ta’kidladi.

 

Uning ma’lum qilishicha, Markaziy bank iste’molchilar huquqlarini himoya qilish va xizmat sifati uchun banklar mas’uliyatini oshirishga qaratilgan bir qator me’yoriy hujjatlarni ishlab chiqqan. Ulardan birinchisi 6-avgustdan kuchga kiradi va bankomatlar bilan bog‘liq xizmat ko‘rsatishdagi qoidabuzarliklar uchun moliyaviy jarimalar qo‘llash imkonini beradi.

 

Shuningdek, fuqarolarning murojaatlari bilan ishlash samaradorligini baholovchi maxsus indeks joriy etiladi. Uning natijalari asosida eng past ko‘rsatkich qayd etgan banklar e’lon qilib boriladi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.