Bo‘stonliqda qo‘l tormozi tortilmagan Captiva kanalga tushib ketdi
FVV qutqaruvchilari avtomobilni suvdan chiqarib olgan. Jabrlanganlar yo‘qligi bildirildi.
Toshkent viloyatining Bo‘stonliq tumanida Captiva rusumli avtomobil kanalga tushib ketdi. Bu haqda FVV xabar berdi.
Viloyat Favqulodda vaziyatlar boshqarmasi ma’lumotiga ko‘ra, hodisa 14-iyun kuni Qoronqul mahallasi hududidan oqib o‘tuvchi Qoronqul kanalida sodir bo‘lgan.
Aniqlanishicha, haydovchi avtomobilni to‘xtatgach, qo‘l tormozini tortib qo‘yishni unutgan. Shundan so‘ng mashina o‘z-o‘zidan harakatlanib, kanalga tushib ketgan.
Voqea joyiga yetib borgan qutqaruvchilar maxsus texnika yordamida avtomobilni suvdan chiqarib olgan.
Hodisa oqibatida jabrlanganlar bo‘lmagan.
