Germaniya prezidenti O‘zbekistonga tashrif buyuradi
Frank-Valter Shtaynmayer Osiyoga besh kunlik safari doirasida Toshkentga keladi.
Germaniya prezidenti Frank-Valter Shtaynmayer Osiyoga besh kunlik safari doirasida O‘zbekistonga tashrif buyuradi. Bu haqda Germaniyaning DPA axborot agentligi xabar berdi.
Ma’lumotlarga ko‘ra, davlat rahbarining safari Indoneziya, Filippin va O'zbekistonni qamrab oladi. Shtaynmayerga uning rafiqasi hamda Germaniya biznes doiralari vakillaridan iborat delegatsiya hamrohlik qiladi.
Tashrif dasturining yakuniy manzili Toshkent shahri bo‘lib, Germaniya prezidenti bu yerda qator uchrashuvlar o‘tkazishi va Germaniyaning GP Günter Papenburg kompaniyasi filialiga tashrif buyurishi rejalashtirilgan.
Tashrif davomida malakali mehnat migratsiyasi masalasi muhokama qilinishi kutilmoqda.
Rasmiy ma’lumotlarga ko‘ra, O‘zbekistonda nemis tilini o‘rganayotganlar soni Osiyodagi boshqa mamlakatlarga nisbatan yuqori hisoblanadi.
