Shvetsiya Jahon chempionatini yirik g‘alaba bilan boshladi
Shvetsiya guruh bosqichidagi ilk uchrashuvda Tunisni 5:1 hisobida mag‘lub etdi.
2026-yilgi futbol bo‘yicha Jahon chempionatining F guruhi ilk turida Shvetsiya terma jamoasi Tunis ustidan yirik 5:1 hisobida g‘alaba qozondi.
Meksikaning Gvadalupe shahridagi BBVA stadionida bo‘lib o‘tgan uchrashuvda shvedlar o‘yin davomida ustunlikni qo‘ldan boy bermadi. Jamoa yarim himoyachisi Yasin Ayari dubl muallifiga aylangan. Shuningdek, Alexander Isak, Viktor Gyökeres va Mattias Svanberg ham raqib darvozasini ishg‘ol qilgan.
Tunisning yagona goliga esa Omar Rekik mualliflik qilgan.
Mazkur natijadan so‘ng Shvetsiya 3 ochko bilan F guruhi peshqadamiga aylangan. Guruhning yana bir uchrashuvida Niderlandiya va Yaponiya 2:2 hisobida durang o‘ynagandi. Tunis esa dastlabki turdan keyin ochkosiz qolmoqda.
Ikkinchi turda Shvetsiya Niderlandiyaga qarshi maydonga tushadi, Tunis esa Kyurasao bilan kuch sinashadi.
