Albaniya Prezidenti rasmiy tashrif bilan O‘zbekistonga keldi
Bayram Begayni Toshkent aeroportida Oliy Majlis Qonunchilik palatasi Spikeri Nuriddin Ismoilov kutib oldi.
Shavkat Mirziyoyevning taklifiga binoan Albaniya Prezidenti Bayram Begay rafiqasi hamrohligida rasmiy tashrif bilan O'zbekistonga keldi.
Oliy martabali mehmonni Toshkent xalqaro aeroportida Oliy Majlisi Qonunchilik palatasi Spikeri Nuriddin Ismoilov va boshqa rasmiy shaxslar kutib oldi.
Tashrif dasturiga muvofiq, Toshkent shahrida o‘tadigan oliy darajadagi muzokaralarda O‘zbekiston va Albaniya o‘rtasidagi ko‘p qirrali hamkorlikni yanada rivojlantirish istiqbollari muhokama qilinadi.
Muzokaralarda savdo-iqtisodiy aloqalar, sanoat kooperatsiyasi, qishloq xo‘jaligi, “yashil” energetika, turizm hamda madaniy-gumanitar sohalardagi hamkorlikni kengaytirish masalalariga alohida e’tibor qaratilishi kutilmoqda.
Shuningdek, tomonlar ko‘p tomonlama tuzilmalar doirasidagi o‘zaro hamkorlik va qo‘llab-quvvatlash masalalarini ham ko‘rib chiqadilar.
Tashrif doirasida Albaniya Prezidenti V Toshkent xalqaro investitsiya forumida ham ishtirok etishi rejalashtirilgan.
