“O‘zbekiston xorijiy investorlar uchun ishonchli sherik sifatidagi mavqeyini mustahkamlab kelmoqda” — Saida Mirziyoyeva
Beshinchi Toshkent investitsiya forumi arafasida O‘zbekiston–AQSh moliyaviy hamkorligi muhokama qilindi.
Beshinchi Toshkent xalqaro investitsiya forumi arafasida O‘zbekiston Prezidenti Shavkat Mirziyoyev hamda AQShning yetakchi moliyaviy institutlari va biznes vakillari ishtirokida davra suhbati tashkil etildi.
Tadbirda Prezident administratsiyasi rahbari Saida Mirziyoyeva ham qatnashdi. Shuningdek, AQSh Xalqaro moliyaviy taraqqiyot korporatsiyasi hamda AQSh Eksport-import banki rahbariyati va Amerika biznes doiralari vakillari ishtirok etdi.
Muloqot davomida AQSh moliyaviy institutlari va kompaniyalarining O‘zbekistonga qiziqishi ortib borayotgani ta’kidlandi.
“O‘z navbatida, O‘zbekiston ham xorijiy investorlar uchun hamkorlikning mutlaqo yangi va istiqbolli yo‘nalishlarini taklif etib, ishonchli sherik sifatidagi mavqeyini qat’iy mustahkamlab kelmoqda”, deya yozdi Saida Mirziyoyeva.
