Toshkent–Moskva yo‘nalishidagi samolyot ortga qaytdi
Domodedovo aeroportidagi cheklovlar va texnik sabablar reys jadvaliga ta’sir ko‘rsatdi.
Uzbekistan Airways aviakompaniyasining Toshkent–Moskva (Domodedovo) yo‘nalishi bo‘yicha HY603 reysini amalga oshirayotgan Boeing 767-3CB(ER) jo‘nash aeroportiga qaytarildi.
Ma’lum qilinishicha, Moskvaning Domodedovo xalqaro aeroportida joriy etilgan vaqtinchalik cheklovlar hamda texnik omillar sabab 18-iyun kungi HY603 reysi Toshkentga qaytarilgan.
Shuningdek, qaytishga UK67007 bort raqamiga ega havo kemasi parvozi davomida aniqlangan texnik holat ham sabab bo‘lgan.
Shu munosabat bilan, 2026-yil 18-iyunga mo‘ljallangan HY603/604 reyslari o‘zgartirilgan jadval asosida amalga oshiriladi. Parvozlarning yangi vaqti haqida yo‘lovchilarga qo‘shimcha ravishda ma’lumot berilishi bildirildi.
